.
.
.
.
هو عمرو موسى بيأيد مبادىء الحزب الوطنى ولا المعارضه؟
هو عمرو موسى كان بيأيد حسنى مبارك ولا ضده؟
هو عمرو موسى عملنا أيه مع أنه كان وزير لفتره طويله وشايف القرف اللى البلد كانت فيه؟
هو عمرو موسى بيعرف يتكلم؟ طب لما هو بيعرف يتكلم ماقلش كلمة حق فى وش مبارك ليه؟
يا ترى فى عهد عمرو موسى كانت الجامعه العربيه فى أزهى عصورها ولا العكس؟
طب لما هو ما عملش حاجه عدله فى الجامعه العربيه (غير الشجب والأدانه والخطب الرنانه)...تتوقع يعمل حاجه عدله لمصر؟
تفتكر لو مبارك لسه موجود عمرو موسى كان حيترشح ضده؟
أيه اللى منع عمرو موسى أنه يترشح أمام مبارك سنة 2005 بالرغم من انه له شعبيه كبيره وبالرغم من انه غيره (نور ونعمان) أترشح؟
لو عمرو موسى ما ترشحش فى 2005 بسبب الدستور ليه ما أعترضش على تغييرات الدستور أو طالب بتغيير المواد المانعه للترشح زى غيره ما عمل؟
عمرو موسى كان امامه فرص كتيره يأيد حركات نادت بالتغيير زى كفايه فى 2005 او 6 ابريل فى 2008 او الجمعيه الوطنيه للتغيير فى 2010 لكنه لم يفعل تفتكروا ليه؟ لم تظهر معارضته لمبارك الا بعد الثوره تفتكروا ليه؟
أيه اسهامات عمرو موسى فى الثوره؟ (سؤال صعب قوى ده)
الأسئله كتير جداً وكلها أجاباتها انت (او أنتى) عارفينها بس السؤال الأهم!!!
تفتكر لو عمرو موسى بقى رئيس جمهوريه حيغير مصر ويخلينا فى مصاف الدول الكبرى ولا حيرجع يطنش تانى زى ما كان مطنش على اللى بيحصل أيام مبارك؟؟؟
صوتك أمانه أديه للى يستحقه وما توقعش فى الفخ
عمرو موسى....فخ جديد
ليست هناك تعليقات:
إرسال تعليق